1. Bosh sahifa

VILOYAT HOKIMI XAYRULLO BOZOROV TURKIYA PREZIDENTI QO’MITASI A'ZOSI IBRAHIM O’ZERNI QABUL QILDI

×

Uchrashuvda turk ishbilarmonlari tomonidan viloyatimizda energetika, ijtimoiy va tibbiyot sohalarida kelgusida amalga oshirilishi rejalashtirilayotgan istiqbolli loyihalar muhokama qilindi.

Ibrahim O’zer kecha Farg’ona shahridagi Ekoshahar – “Yangi O’zbekiston” massivida bo’lgani va bu shahar unda ijobiy taassurot qoldirganini ma'lum qilib, ushbu shaharchani elektr ta'minoti sifatini yanada oshirish bo’yicha ishlab chiqilgan loyiha taqdimoti bilan tanishtirdi.

Bundan tashqari, maktablarda va olis qishloqlarda ichimlik suvi ta'minotini yaxshilashga qaratilgan istiqbolli loyihalari bo’yicha ham fikr almashildi. Mahallalardagi tibbiyot punktlarini ta'mirlab berish hamda tibbiyotdagi suyak sohasida jarrohlik amaliyotida kerakli bo’lgan maxsus vositalar yetkazib berish bo’yicha ham hamkorlik qilish borasida takliflar bildirildi.

Viloyat hokimi har bir bildirilgan takliflar viloyat uchun muhim ekanligiga urg’u berib, kelgusida hamkorlik qilish va kerakli ko’mak ko’rsatilishini ma'lum qildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram